Dias de los Gosleros

Sed aute Zite gloubt mer dra, dass e Tote zur Fasnacht zruggcho cha. Wie jedes Jahr zu dere Ziit, chöme d Lüüt zu ehrne Löcher us, es esch sowiit. Aui träffe ih, ez chonnt Farb i die Gsechter dri. De Rümlisound dä louft, El Bierros werd hüfe verchouft. No chli ihgrostet und bleich, wird bim Schminke planet de nächschti Streich. Esch ou die Rümliparty so famos, göi d Gosleros glich mau metem Car los. Sie gspöre die Fiesta werd geniau, d Vorfröid esch brutau. Party und Singe im Car inne, so döi sie sech ufs Fäscht ihstemme.

Ned vöu später, gets de Kafi am Meter. Um die aute Glänk i Bewegig z bringe, döi sie gärn öpe s Tanzbei schwinge. Das esch met Risiko verbonde, ou nach so vöu Tanzstonde. Wenn mer d Gfahr de het groche, eschs z spät, dä Chnoche esch broche. De Uftritt wott mer sech wäg däm ned lah entgah, aui wei uf dere Böhni stah. Kei Puls deför Rhythmus, gsetzt esch da de Fokus. Es wird gspöut bis d Loft usgeit Und mer baud vode Böhni gheit. Chli spenne das esch klar, nachem Spele geits weder ab ad Bar. Es wird gföut de eint oder ander Schacht, weder einisch meh e gsöfigi Nacht. Luter öle söle sie ned vergässe, Noggetos de Chiccos z’ässe.

D Fasnacht vergeit im Rusch,
es esch Ziit dass ou du is El Ebnetos chusch. D Gosleros bruche ke Siesta vor ihrem grosse Fiesta. Det wird gfiiret bis z Liecht usgeit, und kene meh ellei steit. Unstärblech wette mer aui sii doch met de Uslumpete eschs für es Jahr verbi.

Dini Liide am ÄSCHEREmettwoch göi üs nüd meh ah, das hesch du dier säuber ahta.

Mier säge Adios, bis nächscht Jahr Amigos!

* ⁠Espanyolo de los Mexica ohne Gewähr! ; )